कठरिया सन्देश

१९ फाल्गुन २०८०, शनिबार

  • gold Teach Computer
    gold Teach Computer
  • तपा गाउँक भलमन्सामे फेरति नन्दराम कठरिया

    तपा गाउँक भलमन्सामे फेरति नन्दराम कठरिया
    Spread the love

    टीआर कठरिया, ८ माह ।। कइलालि जिल्लाके घाेडाघाेडि नगरपालिका वाडा नम्बर गेरामे रहल तपा गाउँक भलमन्सामे फेरति नन्दराम कठरिया चयन हाेइल हँइ । आज बइठल उ गाउँक पन्चभरिन खुज्निमुज्निति भलमन्सामे फेरति उनके चयन करगेल हइ ।

    अइसनिहिं करके उ गाउँक चउकिदारमे आसारानि डंगउरा थारु, गाउँ सचिबमे सिता कठरिया आउ गाउँ भररामे सुकदार कठरिया चयन हाेइल हँइ । गइल बरसके चवालिस हजार दुइ सउ पचहततर बराबरके आय/ब्यय सुनासुनुके नमा भलमन्सा छँटना धन्धा सुरु हाेइल रेहे ।

    सक्कु गाउँ समाज पुरानि भलमन्सन करल काम/धन्धामे सन्तुस्ट हाेइल पाछुक फेरति उनके जिम्मेवारि सउँपगेल रेहे । भुराखेलति जिम्मेवारि पाइल सक्कु जनहित गाउँक किसन्माभर फुलकमाला, टिका लगाके सम्मान फेकुन करल रेहें ।

    अइसने भुराखेलमे अपना दिलका बात रखति समाजसेबि राजकुमार कठरिया गाउँ समाजमे कुइक फेकुन जिम्मेवारि दइके ओइनन् सफल बनाइक तहनि सबका सकरिय साथ, सहयाेग आवस्यक रहल बतइनें । भलमन्सा परथा हम्मर पुरखादिनका चलति आइल सँस्कार हइ उहिक मारे यहका सँरक्षण फेक करति लइजाइक परना उनका कहाइ रेहे ।

    अइसने भलमन्सा बनके दुसरा कारेकालके जिम्मा लहति नन्दराम कठरिया कहनें ‘मइ तपा गाउँ बासिन हकहितके तहनि अपना जानल, बुझल लुक्का काम करमुँ । यहका सँघे पुरखादिनका सँस्किरति, सँस्कार फेकुन जुगइले रखना माेर करतब्य हइ ।’ भुराखेलमे कठरिया गाउँ तपाके किसन्माभरिन बेढम मजा उपस्थित रेहे ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD