कठरिया सन्देश

१९ फाल्गुन २०८०, शनिबार

  • gold Teach Computer
    gold Teach Computer
  • गौरीगंगामे लवाङ्गी पुजा तथा सांस्कृतिक कार्यक्रम हुइना

    गौरीगंगामे लवाङ्गी पुजा तथा सांस्कृतिक कार्यक्रम हुइना
    Spread the love

    पहलमानपुर, ९ अगहन ।। कैलालीके गौरीगंगा नगरपालिका–१०, सुन्दरपुरमे छैठौं लवाङ्गी पुजा तथा सांस्कृतिक कार्यक्रम २०८० हुइना हाेइल हइ ।

    ‘भाषा, कला संस्कृति हम्मर पहिचान, थारु वैदिक गुरुवा प्रशिक्षण केन्द्र संघे थारु संग्राहलय बनैना हम्मर अभियान’ कहना मूल नारा सहित इहि अगहन १६ आउ १७ गते कार्यक्रम हुइना हाेइल हइ ।

    कार्यक्रममे खानखानिक सांस्कृतिक कार्यक्रम, ढाक बजैना गुरुवा नाच, रातभर दिउँउन फुलवार बाचन, पुजापाठ करना कार्यक्रम रहल गुरुवा बैदावा सेवा समितिके सचिव धनीराम चौधरी जानकारी दहने ।

    २०७५ सालमे स्थापना हाेइल देउथानके प्रचारप्रसार उ धार्मिक पर्यटक प्रवर्धन कर्ना उद्देश्यति सामुहिक देउथान स्थापना करके हर बरस लवाङ्गी पुजा आउ सांस्कृतिक कार्यक्रम हुइती आइल हइ । एहका साथे थारु वैदिक गुरुवा तालिम केन्द्र आउ संग्रहालयके तहनि भवन निर्माण हुइटी रहल हइ ।

    वडा नम्बर १० के कार्यालयति वैदिक गुरुवा तालिम केन्द्र निर्माणके तहनि आर्थिक बरस २०७७/०७८ आउ २०७८/०७९ मे पाँच/पाँच लाख आउ २०७९/०८० मे सात लाख आर्थिक सहयोग करले हइ । जौन भवन अब्बे लिन्टरलक्का हाेइल सचिव चौधरी जानकारी दहने । सचिव चौधरीके अनसार तालिम केन्द्र निर्माण हाेइलपाछे थारु वैदिक गुरुवा तालिम केन्द्र, थारु संग्रहालय, योग अभ्यास केन्द्र, थारु वैदिक अध्ययन केन्द्रके रुपमे विकास करना जनइने ।

    देउथानमे गाउँक ३५० किसान आउ १५० गुरुवा वैदावा आवद्ध रहल हँइ । जेम्ने एक सयके दरती आर्थिक संकलन करके कार्यक्रम करटी आइल हँइ । संघे सरकारी तथा गैरसकारी संघसंस्था आउ तमान व्यक्तित्वभरिन फेक सहयोग हुइति आइल हइ ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD