कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • घोडाघोडी मन्दिर परिसरमा आजबाट लवाँगी पुजा तथा साँस्कृतिक महोत्सव हुँदै

    घोडाघोडी मन्दिर परिसरमा आजबाट लवाँगी पुजा तथा साँस्कृतिक महोत्सव हुँदै
    Spread the love

    पहलमानपुर, १० मंसिर ।। कैलाली जिल्लाको घोडाघोडी नगरपालिका १ मा रहेको प्रशिद्ध धार्मिक स्थल घोडाघोडीमा आजबाट लवाँगी पुजा तथा थारु साँस्कृतिक महोत्सव हुन लागेको छ । घोडाघोडी तथा संस्कृति संरक्षण समाजको आयोजना र नगर भल्मन्सा संजालको सहकार्यमा हरेक बर्ष झैं यस बर्ष पनि सो महोत्सव हुन लागेको हो ।

    सो महोत्सव आज पहिलो दिन कैलाली क्षेत्र नं. ३ बाट हालै प्रतिनिधी सभा सदस्य पदमा निर्वाचित गंगाराम चौधरीले उद्घाटन गर्ने बताईएको छ । यसका साथै प्रदेशसभा सदस्यहरु घनश्याम चौधरी, खुशिराम डंगौरा लगायत थारु समुदायका अगुवा, बड्घर, भल्मन्सा, गुरुवा, बैदवाहरुको समेत उल्लेखनिय सहभागितामा कार्यक्रम उद्घाटन हुने आयोजकले जनाएको छ ।

    कैलाली जिल्ला र आसपासका जिल्लाका थारु समुदायको आस्थाको केन्द्र बिन्दुको रुपमा रहेको घोडाघोडीमा यस बर्ष मौलिक थारु झाँकीहरु, गित बाँसहरु प्रस्तुत हुने साँस्कृतिक कार्यक्रम संयोजक सिताराम चौधरीले बताए । उनले महोत्सव अवधिभर राष्ट्रिय तथा स्थानिय कलाकारहरुको समेत बेजोड प्रस्तुती रहनुका साथै थारु मौलिक खानाका परिकारहरु समेत प्रर्दशन हुने बताए ।

    घोडाघोडी मन्दिरमा परम्परगत रुपमा पशुबलि चढाई लवाँगी पुजा गरिने महोत्सव आज शनिवारबाट मंसिर १२ गते सम्म चल्ने छ । निशुल्क प्रवेशको ब्यवस्था रहेको उक्त महोत्सवमा कैलाली, कञ्चनपुर लगायत अन्य जिल्लाका सहभागिहरुको उल्लेखनिय सहभागिता रहने अनुमान गरिएको छ ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD