पहलमानपुर, ३ श्रावण ।। वर्ल्ड भिजन ईन्टरनेशनल नेपाल र बाल कल्याण संघ टीकापुरमाको संयुक्त साझेदारीमा संचालित एकीकृत बाल संरक्षण तथा सामुदायिक सहभागिता परियोजना अन्तर्गत दर्ता भएका आर्सी बालबालिकाहरुकाे अनुगमन गरिएकाे छ ।
जिल्लाकाे टीकापुर नगरपालिका वार्ड नम्बर -७ स्थित डाडाबोझीमा परियोजनामा दर्ता भएका आर्सी बालबालिकाहरुको अनुगमन गरिएकाे हाे ।
साे अनुगमन बाल कल्याण संघ टीकापुरक अध्यक्ष धनबहादुर बि क र संस्थाका कोषाध्यक्ष धनराज शाहि लगायतकाले संयुक्त रुपमा गरेका हुन् ।
अनुगमनको क्रममा बालबालिकाहरुको शैक्षिक, स्वास्थ्य र पारिवारिक अवस्थाको बारेमा उनिहरु सँग अन्तरक्रिया गरिएकाे थियाे ।
यस्तै अनुगमनकै क्रममा सोही ठाउँमा संचालन भइरहेको सामुहिक मनोपरामर्श सम्बन्धी अभिमुखिकरण कार्यक्रमको पनि अनुगमन गरिएकाे संस्थाका मनाेपरामर्शकर्ता बिष्णा चाैधरीले बताईन् ।
