राजेन्द्र कठरिया, पहलमानपुर, २९ जेठ ।। कैलाली जिल्लाके घोडाघोडी नगरपालिका वडा नं. ११ सिसैया अगला पट्टीमे अतबारके दिन असाढी पुरा होईल है । कठरिया थारु समुदायके बन्ना पुजनौरके रुपमे रहल असाढी पुजा आज गाउँक सबकुई मिलके उसरले हैं ।
गाउँके भल्मन्सा गया प्रसाद कठरिया, चौकिदार रामविलाश कठरिया, सचिव यमबहादुर कठरियाके अगुवाईमे भर्रा महादेव कठरिया ऊ पुजा करले रेहें । गाउँ भरका पन्चभरिन उपस्थितीमे उसरल असाढी पुजा भुईंयाँमे पुजगेल रेहे ।
नमा धानबालीमे रोग बिरोग नलागे, बर्कत होबे, किरा किरमिला, पस परोहन नसतामें कहिके नमा जिन्सी लगाईती पहिले यि पुजा करना करल भल्मन्सा गया प्रसाद कठरिया बतैनें । ऊ कहनें हम्रे यि पुजा हम्मर कठरिया समुदायमे पुर्खादिन ति करती आईल होई ।
