घाेडाघाेडी ११ काे वडाध्यक्षका स्वतन्त्र उम्मेदवार पंडित कठरियाले पाए ‘धारा’ चुनाव चिन्ह
पहलमानपुर, १७ बैशाख ।। कैलाली जिल्लाकाे घाेडाघाेडी नगरपालिका वडा नं. ११ काे वडा अध्यक्ष पदमा स्वतन्त्र उम्मेदवारी दिएका पंडितराम कठरियाले धारा चुनाव चिन्ह पाएका छन् । शनिबार निर्वाचन अधिकृतकाे कार्यालय घाेडाघाेडीले कठरियालाई चुनाव चिन्ह धारा दिएकाे हाे ।
नेकपा (माओवादी केन्द्र) घाेडाघाेडी नगर कमिटी सदस्य तथा याेङ्ग कम्युनिष्ट लिग (वाईसियल) नगर संयाेजक समेत रहेका कठरियाले बैशाख १२ गते वडाध्यक्षमा स्वतन्त्र उम्मेदवारी दिएका थिए । पार्टी भित्रबाटै वडाध्यक्षमा आकांक्षा राखेका कठरियाले अवसर नपाएपछि स्वतन्त्रमा उम्मेदवारी दिएका थिए ।
उनले आफुले कसैकाे विरुद्धमा उम्मेदवारी दिएकाे नभएर यस क्षेत्रका गरिव, विपन्न, पछाडि पारिका समुदायको हक, हितकाे लागि उम्मेदवारी दिएकाे बताए । कठरिया २०७४ सालमा भएकाे स्थानिय तहकाे निर्वाचनमा नेकपा (माओवादी केन्द्र) काे प्रतिनिधित्व गर्दै घाेडाघाेडी ११ काे वडाध्यक्षमा चुनावमा सहभागी भएका थिए ।
