कञ्चनपुर, १९, माघ ।। कञ्चनपुरको कृष्णपुरबाट चरेस सहित एक जना पक्राउ परेका छन । कृष्णपुर नगरपालिका – ६ मौरीफाँटाबाट चरेश सहित ३० बर्षिय रमेश लुहार पक्राउ परेका हुन ।
बेचबिखनका लागि घरमा लागुपदार्थ राखेको गोप्य सूचनाका आधारमा खानतलासी गर्दा ३ सय ६० ग्राम चरेस पलङ मुनि लुकाएर राखेको अवस्थामा फेला परेको जिल्ला प्रहरी कार्यालय कञ्चनपुरका प्रहरी नायव उपरीक्षक चक्रबहादुर शाहले बताएका छन् ।
उनका अनुसार इलाका प्रहरी कार्यालय गुलरीयाको टोलीले चरेससहित लुहारलाई पक्राउ गरेको हो । पक्राउ परेका लुहारमाथि थप अनुसन्धान गरिरहेको प्रहरीले जनाएको छ ।
