रोल्पा, २८ भदाैं ।। रोल्पाको सुलिचौर दोभानमा रहेको लुङ्ग्री खोलाले सोमबार १४ वर्षीय बालिका फरीदा खातुनलाई बगाएकाे छ।
सुर्यदय माविमा अध्ययनत बालिका दिउँसो करिब साढे ३ बजेको समयमा आफ्ना साथीहरूसँग घुमघाम गर्न खोला किनारामा पुगेकी थिइन्। साथीहरूसँग खेल्दै टिकटक बनाउँदै गरेकी खातुनलाई खोलाले बगाएको खातुनका साथीहरूले बताएका छन् ।
हिजो राति अबेरसम्म स्थानीय र प्रहरीले खोज्दा उनलाइ फेला पार्न नसकिएको जिल्ला प्रहरी कार्यालय रोल्पाका प्रवक्ता एवम् सूचना अधिकारी प्रकाश भुसालले जानकारी दिए। आज बिहानैदेखि प्रहरी निरीक्षक प्रकाश वाग्लेको कमाण्डमा स्थानीय र प्रहरी मिलेर खोजीकार्य भइरहेको छ।
