कैलालीको एक वडा कार्यालयले लगायो गर्भवती र बालबालिकालाई धुम्रपानजन्य पदार्थ विक्री वितरणमा रोक
मसुरिया, २६ भदौं ।। कैलालीको गौरीगंगा नगरपालिका – ५ मा गर्भवती र बालबालिकालाई धुम्रपान तथा मद्यपानजन्य पदार्थ विक्री वितरण गर्न निषेध गरिएको छ । वडा कार्यालयले एक सूचना जारी गर्दै असोज १ गतेदेखि वडामा धुम्रपान तथा मद्यपानजन्य पदार्थ विक्री वितरणमा निशेष गरेको हो ।
वडा अध्यक्ष विष्णु प्रसाद भाटको अध्यक्षतामा बसेको बैठकले उक्त निर्णय गरेको सूचनामा उल्लेख छ ।
सूचनामा भनीएको छ ‘वडामा संञ्चालन रहेका थोक तथा खुद्रा किराना पसलबाट १८ बर्ष मुनीका बालबालिका एवम् गर्भवती महिलालाई धुम्रपान तथा मद्यपानजन्य पदार्थ बिक्री वितरण निषेध गरिएको व्यहोरा जानकारी गराइन्छ ।’
