कैलाली, ४ जेठ ।। कैलालीको घोडाघोडी नगरपालिका– ९ को वडाध्यक्षमा नेपाली काँग्रेसका हरि चन्द्र शाह विजयी भएका छन् । निकटतम प्रतिद्वन्द्वी नेकपा एमालेका कृष्ण बहादुर शाहलाई पराजित गर्दै उनी १ हजार १ सय १९ मतका साथ विजयी भएका हुन् । एमालेका कृष्ण बहादुर शाहले ८ सय ६ मत प्राप्त गरेका छन् ।
त्यसै गरी महिला सदस्यमा सुशीला चौधरी १ हजार ७५ मत, नेकपा एमाले बाट दलित महिला सदस्यमा सृजना सार्की ७ सय ६५ मत, खुल्ला सदस्य द्वय नेपाली काँग्रेस बाट विर्ख बहादुर बुढा १ हजार ३४ मत र गजेन्द्र बहादुर रावल ९ सय ४३ मत ल्याई विजयी भएका छन् । वडा नम्बर २ हजार ३ सय ९५ मत खसेको थियो ।
यस अधि २०७४ को स्थानीय चुनावमा नेकपा एमालेका कृष्ण बहादुर शाह विजय भएका थिए । २०४९ साल पछि नेकपा एमालेको किल्ला भत्काउन नेपाली काँग्रेस सफल भएको हो ।
