तिसरा हाेरी उत्सबके तयारी बैठक लाैसामे, मातृसंस्थाके बिषयमे फेक सरसल्लाह हुईना
टिआर कठरिया, २७ फागुन ।। कैलाली जिल्लाके कैलारी गाउँपालिका वडा नं. ८ लाैसा गाउँमे यिही फागुन २८ गते शनिच्चरके दिन कठरिया भरिन बृहत् बैठक आयाेजना करगेल है । खास करके कुछ साल ती निरन्तर आयाेजना हुईती आईल कठरिया समुदायके बहुचर्चित हाेरी नाचके सामुहिक हाैंसिल्लाके बिषयमे सरसल्लाह करना उदेश्य ती बैठक आयाेजना करल लाैसा गाउँबासी बतैतियाँ ।
मुल बैठकमे हाेरी नाच नच्ना केल सरसल्लाह नाई हुईके हम्मर समुदायके अक्केठाेर मातृसंस्था कठरिया समाज नेपाल ओहके मल, जल दैके फेकुन जिती करैना बन्ना जेदा आवश्यकता है, कहतियाँ लाैसा गाउँक युवा समाजसेवी लाैटन कठरिया । तुल्सीपुरमे पहिला हाेरी हाैंसिल्ला हाेईल, दुसरा हाेरी हाैंसिल्ला चर्रामे हाेईल ।
ऊ दुनु कार्यक्रममे कठरिया समाज नेपाल हिंस्सेदार रेहे । हिंस्सेदार रहना फेक चाहि काहिक कि कठरिया भरिन मातृसंस्था कठरिया समाज नेपाल है । मुल नामके केल हिंस्सेदार रहना आउ कामके हिंस्सेदार नाई रहना गलत बात है । उहिमारे हम्मर लाैसा बासीन कहाई अनुसार हम्मर संस्था ओहके सुधार करके हाेरी हाैंसिल्ला सबकुई मिलके मनैना मजा रहि उ बतैतियाँ ।
