कठरिया सन्देश

१५ चैत्र २०८०, बिहीबार

सुदूरपश्चिमको मुख्यमन्त्रीमा रावल नियुक्त

सुदूरपश्चिमको मुख्यमन्त्रीमा रावल नियुक्त
Spread the love

कैलाली, २७ पाैष ।। सुदूरपश्चिम प्रदेशको मुख्यमन्त्रीमा नेकपा एमाले संसदीय दलका नेता राजेन्द्र रावल नियुक्त भएका छन् । रावललाई प्रदेश प्रमुख देवराज जोशीले संविधानको धारा १६८ को २ बमोजिम बुधवार मुख्यमन्त्री नियुक्त गरेका हुन् । सुदूरपश्चिम प्रदेशसभाका ५३ जना सदस्यमध्ये २९ जना सांसदको हस्ताक्षरसहित रावलले बुधवार नै मुख्यमन्त्रीका लागि दावी पेश गरेका थिए । सुदूरपश्चिममा बहुमतका लागि २७ सिट आवश्यक पर्छ ।

रावललाई माओवादी केन्द्रका ११, नेकपा एमालेका १०, नागरिक उन्मुक्ति पार्टीका ७ र राप्रपाका एकजना प्रदेशसभा सदस्यले समर्थन गरेका छन् । एमाले पोलिटब्यूरो सदस्य समेत रहेका रावल कञ्चनपुरबाट समानुपातिक प्रणालीबाट एमालेको प्रदेशसभा सदस्यमा निर्वाचित भएका थिए । प्रदेश प्रमुखको कार्यालयले बिहीबार बिहान मुख्यमन्त्रीको पद तथा गोपनीयताको शपथ ग्रहणको कार्यक्रम राखेको छ । यहाँ प्रदेश सरकारको नेतृत्व माओवादी र एमालेले साढे दुई÷दुई वर्ष गर्ने सहमति भएको छ ।

नागरिक उन्मुक्ति पार्टीले निर्णय लिन ढिलाई गर्दा प्रदेश प्रमुखले तोकेको अन्तिम समयमा आएर मात्रै रावलले मुख्यमन्त्रीमा आफ्नो दावी पेश गरेका थिए । नागरिक उन्मुक्तिले मुख्यमन्त्रीमा रावललाई अन्तिम समयमा आएर समर्थन गरेको थियो । पार्टीका संस्थापक रेशमलाल चौधरीसँग भएको सहमति अनुसार उन्मुक्ति पार्टीका संसदीय दलका नेता रामेश्वर चौधरीले समर्थन गरेको बताए ।

‘केन्द्रमा वार्ता भइरहेकाले निर्णय आउन ढिलाई भएको हो । जेलमा रहेका रेशम चौधरी र माओवादी केन्द्र बीच बार्ता भइरहेको थियो । माओवादीबाट कमिटमेन्ट आउन ढिलाई भएका कारण यहाँ ढिलो भएको हो’ उनले भने ‘जसअनुसार माघ महिना भित्रमा टीकापुर घटनामा झुटा मुद्धा लगाइएको छ । ति मुद्धा अध्यादेश वा कुनै विधेयक ल्याएर सामाधान गर्छै भनेका छन ।’

FB IMG 1673439050624

कठरिया सन्देश मिडिया
दर्ता नं. : २१५/०७७/०७८,
पान नं.: ६०४०९१९४९

कठरिया सन्देश मिडिया टिम

ब्यवस्थापक :- अर्जुन कठरिया

प्रकाशक :- राजेन्द्र कठरिया

प्रधान सम्पादक :- टिआर कठरिया

सम्पादक :- जनक कठरिया (जे.के)

© 2024 Copyright: Dahit Group PVT.LTD