कठरिया सन्देश

१५ चैत्र २०८०, बिहीबार

माओवादी केन्द्र सुदूरपश्चिमको अध्यक्षमा चौधरी विजयी

माओवादी केन्द्र सुदूरपश्चिमको अध्यक्षमा चौधरी विजयी
Spread the love

कैलाली, १७ फागुन ।। नेकपा (माओवादी केन्द्र) सुदूरपश्चिम प्रदेश समिति अध्यक्षमा हरिराम चौधरी ‘उत्सव’ सर्वाधिक मतले विजयी भएका छन् ।

सोमबार भएको मतदानमा उनी अध्यक्षका अर्का प्रत्यासी उम्मेदवार समेत रहका सुदूरपश्चिम सरकारका वन वातावरण तथा पर्यटन मन्त्री मानबहादुर धामीलाई पराजित गर्दै विजयी भएका हुन् । 

माओवादी केन्द्रका प्रदेश सहइन्चार्ज वीरमान चौधरीका अनुसार राष्ट्रिय सभा सदस्य समेत रहेका उत्सवले ११४ मत ल्याएका थिए भने धामी ९३ मत मात्रै प्राप्त गरेका थिए ।

उपाध्यक्षमा क्रममा मानबहादुर माल १२४, रणबहादुर बुढा १०१ र अक्कल रावलले १०० मत ल्याएर विजयी भएका हुन् । ३ जना उपाध्यक्षका लागि ७ जनाले उम्मेदवारी दिएका थिए । उपाध्यक्ष आकांक्षी प्रेम प्रकाश भट्ट ८८, दुर्गा बडुवाल ३५, लोकबहादुर बोहरा ७२ र मीनबहादुर घर्तिमगर ५६ मतमै सीमित भई पराजित भएका हुन् ।

सचिवमा जनक सिंह बुढा विजयी भएका छन् । उनी सचिवका अर्का उम्मेदवार अमर सिंह चौधरीलाई पराजित गर्दै विजयी भएका हुन् । बुढाले १६४ मत प्राप्त गरेका छन् । भने चौधरी ३८ मतमा सीमित भए ।

सहसचिवमा क्रममा नन्दबहादुर साँउद १५७, रामबहादुर देउकर १४६ र अंजिता श्रेष्ठले १०८ मत ल्याई विजयी भएका छन् । ३ जना सहसचिवका लागि ५ जनाले उम्मेदवारी दिएका थिए । 

त्यस्तै, कोषाध्यक्षमा कमल कुमारी शाह शाही विजयी भएकी छिन् । शाहीले ११३ मत ल्याएकी थिइन् भने उनका निकटतम प्रतिद्वन्द्वी विनिता बिकले ८४ मत मात्रै ल्याएकी थिइन् ।

जम्मा २१० मत मध्ये २१६ मत खसेको निर्वाचन समितिले जनाएको छ ।

प्रदेश सम्मेलन उद्घाटन भएको झण्डै ३ महिना हुनै लाग्दा समेत पदाधिकारी टुंगो लाग्न सकेको थिएन । सम्मेलन  मंसिर २५ र २६ गते तोकेको थियो । तर पदाधिकारीमा टुंगो लाग्न नसक्दा चुनावी प्रक्रियामा गएको हो ।

कठरिया सन्देश मिडिया
दर्ता नं. : २१५/०७७/०७८,
पान नं.: ६०४०९१९४९

कठरिया सन्देश मिडिया टिम

ब्यवस्थापक :- अर्जुन कठरिया

प्रकाशक :- राजेन्द्र कठरिया

प्रधान सम्पादक :- टिआर कठरिया

सम्पादक :- जनक कठरिया (जे.के)

© 2024 Copyright: Dahit Group PVT.LTD