कठरिया सन्देश के एकबडा प्रयास
पहिचान बचइना करत हे अभ्यास
हे कठरिया बंधुओं देउ हमके साथ
होइत हे हम्मर जातिन सत्यानास
देउ अब सब मिलके कठरिया हाथ
२०७८ के जनगणनामें कठरिया जात
लिखईना करि जोड तोड ति प्रयास
कठरियन पुर्खा भाषा, जात कठरिया
लिखाइक तहनि दिखाइ अब प्रयास
आज नाइ करब प्रयास तौ कल्ह
हमके बहुत बेढब सरकार रुबाइ
यदि आज नाइ लिखाइब ते सरकारी
तथ्यांक ति हमरे कठरिया हिराइब
अन्तिम सांस लहति कठरिया जात
कठरिया भाषा जब सब भुलजाइब
पहिचान ते मिटि–मिटि इतिहास में
केल सिमट के कठरिया रहिजाइब
लिखैया अर्जुन कठरिया
पहलमानपुर, कैलाली
