कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • सिसैया गाउँकाे भुराखेल सम्पन्न, भल्मन्सामा पुनः गया प्रसाद कठरिया चयन

    सिसैया गाउँकाे भुराखेल सम्पन्न, भल्मन्सामा पुनः गया प्रसाद कठरिया चयन
    Spread the love

    पहलमानपुर, ८ माघ ।। कैलाली जिल्लाकाे घाेडाघाेडी नगरपालिका वडा नं. ११ स्थित सिसैया गाउँ (पुर्व टोल) काे भुराखेल आज सम्पन्न भएकाे छ । साे गाउँकाे आज भएकाे भुराखेलबाट भल्मन्सामा गया प्रसाद कठरिया, गाउँ सचिवमा जगदम्बिका प्रसाद कठरिया र चाैकिदारमा राम बिलास कठरिया चयन भएका छन् ।

    पुरानो नेतृत्वहरुले समग्रमा गाउँको हितमा कार्य सम्पादन गरेकाले पुरानै नेतृत्वहरुलाई दोस्रो कार्यकालका लागि दोहोर्‍याएको सो गाउँका युवा सत्य नारायण कठरियाले बताए । हामीले गाउँको भल्मन्सा र चौकीदार पुरानै चयन गरेका छौं र गाउँ सचिव सम्पुर्ण गाउँहरुको सरसल्लाह अनुसार नयाँ चयन गरेका छौं उनले भने । यस्तै गाउँको भेलाले भर्रा (गुरुवा), किसौका (सहायक गुरुवा) अर्को बैठकमा चयन गरिने निर्णय गरेको छ ।

    थारु समुदायले माघे संक्रान्ति अर्थात माघी पर्वलाई आफ्नै माैलिक परम्परा अनुसार मनाउने गर्दछन् । याे पर्वलाई नयाँ वर्षकाे रुपमा मनाउने साे समुदायले यसै बखत हरहिसाव र नेतृत्व समेत फेरवदल गर्ने गर्दछन् । साेहि नयाँ नेतृत्व चयन, नविकरण प्रक्रियालाई नै भुराखेल भन्ने गरिन्छ । जुन माघ महिना भरि नै चल्ने गर्दछ ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD