Kathariya Sandesh
Kathariya Sandesh is Nepal's no 1 Nepali news portal and Kathariya Sandesh official website.This delivers the latest breaking news and information on latest top stories, national, international, politics, sports, business, finance, entertainment, photo-gallery, audio, video and more.

सपना

0 183

लोग कहतियाँ सपना ते सपना हे जो रातमें दिखना हे
सपनाक बात सच नाई हे तौ काहिक हम्के सुनना हे
कुइक रातमें सुते बिरिया देखल फेक एक सपना हे
तो कुइक अख्लग्ना बनैम कहना फेक ते सपना हे
काहिक सपना ते सपना हे जौन की हम्मर अपना हे

आँखी बन्द करके देखो तौ उ फेक सुन्दर सपना हे
कुइक मौज़ मस्ती करना तौ फेक एक बडा सपना हे
तौ कुइक दाईबाबाक बनाइल सम्पत्त उडैन सपना हे
कुइक खुला अन्तरिक्षमे उडके चन्द्रमा छुना सपना हे
काहिक सपना ते सपना हे जौन की हम्मर अपना हे

कुइक मेहनत करके डाक्टर, वकिल, इन्जिनियर बनना हे
कुइक बस दारु जाँड पिके बस घर समाजमे झगड़ना हे
परमोहके गरीबीदुर करेक तहनि रातदिन मेहनत करना हे
कुइक सपना दाइबाबाक नाउँ संसारमे तारा जैसे चम्कैना हे
काहिक की सपना ते सपना हे जौन की हम्मर अपना हे

सन्ध्या कठरिया
जानकी गाउँपालिका वडा नं. ४ मुनुवा, कैलाली

टिप्पणीहरू
Loading...