२८ माघ, काठमाडौं । सोनी पिक्चर्सले नयाँ चलचित्र निर्माणको घोषणा गरेको छ । ९० को दशकको सर्वाधिक हिट टीभी शो ‘शक्तिमान’को भूमिकालाई चाँडै नै पर्दामा ल्याउने तयारी भएको सोनी पिक्चर्सले उल्लेख गरेको छ ।
यसका लागि सोनी पिक्चर्सले चलचित्र निर्माणको अधिकार खरिद गरेको हो । ‘शक्तिमान’ सिरियलका चर्चित कलाकार मुकेश खन्ना र सोनी पिक्चर्सले यो चलचित्रलाई निर्माण गर्नेछन् ।
तर ठूलो पर्दामा शक्तिमानको भूमिका कसले निर्वाह गर्दैछन् भन्ने विषयमा कुनै पनि जानकारी दिइएको छैन । तर नाम चलेका एक सुपरस्टारले नै यो भूमिकामा काम गर्ने भारतीय मिडियाले उल्लेख गरेका छन् । बलिउडको अहिले सम्मकै ठूलो सुपरहिरो चलचित्रको रुपमा ‘शक्तिमान’ निर्माण हुने बताइएको छ ।
सिरियल ‘शक्तिमान’ टेलिभिजनको सर्वाधिक लोकप्रिय कार्यक्रम हो । यसमा मुकेश खन्नाले काम गरेका थिए । जसलाई बालबालिकाले अत्यधिक मन पराएका थिए । अनलाइन खबरबाट
