कठरिया सन्देश

१९ फाल्गुन २०८०, शनिबार

  • gold Teach Computer
    gold Teach Computer
  • विशेषज्ञ उपचार सेवाको नाममा कैलारीमा ठग्दै मिरर अस्पताल

    विशेषज्ञ उपचार सेवाको नाममा कैलारीमा ठग्दै मिरर अस्पताल
    Spread the love

    कैलाली, २६ असार ।। कैलालीको कैलारी गाउँपालिकाको हसुलियास्थित एक अस्पतालले विशेषज्ञ सेवाको नाममा सेवाग्राहीलाई ठगिरहेको आरोप लागेको छ ।

    हसुलिया बजारस्थित मिरर अस्पतालले औषधोपचारको नाममा महंगो शुल्क असुलीका साथै बिरामीलाई गलत रिपोर्ट दिई स्वास्थ्यमाथि खेलवाड गरिरहेको आरोप लागेको हो ।

    कैलारी गाउँपालिका १ हसुलिया गाउँका स्थानीय प्रदेशु चौधरीले असार २२ गते आफ्नी ८ महिने छोरी अकांक्षा चौधरीलाई ज्वरो र खोकीले सताएपछि नजिकै रहेको सो अस्पतालमा भर्ना गरेको सुनाउँछन् । उपचार हुने आशमा महंगो शुल्कका बाबजुट असार २४ गतेसम्म अस्पतालमै राखे ।

    प्रदेशु चौधरी भन्छन्, ‘अस्पतालका डाक्टरले २ दिनसम्म राख्दा समेत छोरीको स्वास्थ्य अवस्था सामान्य बताइरहेको थियो । अझै राख्न भनिरहेको थियो । तर छोरीको अवस्था झन–झन नाजुक बन्दै गएको थियो । उपचार शुल्क, औषधी, छातीको गरिएको एक्स–रे शुल्क गरी ९÷१० हजार बढी त्यहै खर्च भयो । तर छोरीको अवस्थाले आफूहरुलाई असाह्य भएपछि जबरजस्ती डिसचार्ज माग्यो र असार २४ गते साँझ धनगढी लग्यौ । धनगढीमा देखाउँदा त छोरीलाई निमोनिया संक्रमण भइसकेको रहेछ । एक दिन अझै मिररमै राखेको भए छोरीको हालत जे पनि हुन सक्थ्यो ।’ उनले छोरीको स्वास्थ्य अवस्थाको हाल सुधारोन्मुख रहेको बताए ।

    प्रदेशु चौधरीका अनुसार मिरर अस्पतालमा छातीको गरिएको एक्स–रे समेत कामै नलाग्ने भएको पाइएको बताए । त्यही एक्स–रे रिपोर्ट धनगढीमा देखाउँदा कामै नलाग्ने भएको पाइएपछि सो अस्पतालले उपचारको नाममा गाउँघरमा खुलेयाम ठगिरहेको महसुस भएको दुखेसो सुनाए ।

    खुलेयाम ठगिएको थाहा पाएपछि स्थानीयहरु असार २५ गते अस्पताल प्रशासनलाई खबरदारी गरेका छन् । लागेको उपचार खर्चसहित क्षतिपूर्ति दिनु पर्ने भन्दै उनीहरुले खबरदारी गरेका हुन् । स्थानीय अभियानकर्ता मनोज चौधरीले विशेषज्ञ सेवाको नाममा गाउँघरमा गरिब निमुखा नागरिकको स्वास्थ्यमाथि सो अस्पतालले खेलवाड गरिरहेको दाबी गरेका छन् । उनले सम्बन्धित निकायले अस्पतालमा कार्यरत स्वास्थ्यकर्मीहरुको विशेषज्ञताको अनुगमन गरी परीक्षण समेत गर्नुपर्ने बताए ।

    अस्पताल व्यवस्थापन समितिका अध्यक्ष अशोक शाहले काम गर्दै जाँदा केही कमजोरी हुन सक्ने भन्दै कमजोरी स्वीकार गरेका छन् । उनले व्यवस्थापन समितिको बैठक बसी पीडितले माग गरेको क्षतिपूर्तिको विषयमा छलफल गरी क्षतिपूर्ति दिने वा निकास दिने आश्वास दिए । केर्नी न्युजबाट

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD