Kathariya Sandesh
Kathariya Sandesh is Nepal's no 1 Nepali news portal and Kathariya Sandesh official website.This delivers the latest breaking news and information on latest top stories, national, international, politics, sports, business, finance, entertainment, photo-gallery, audio, video and more.

लवाङ्गी पुजाको उद्घाटन गर्न मुख्य मन्त्री भट्ट घोडाघोडी आउंदै

0 16

पहलमानपुर, १७ मंसिर ।। सुदूरपश्चिम प्रदेशका मुख्यमन्त्री त्रिलोभन भट्ट कैलालीको घोडाघोडी आउने भएका छन् । जिल्लाको घोडाघोडी नगरपालिका १ घोडाघोडी ताल तथा मन्दिर परिसरमा हुन लागेको लवाङ्गी पुजा तथा सांस्कृतिक महोत्सवको उद्घाट्न गर्न मुख्यमन्त्री भट्ट घोडाघोडी आउन लागेका हुन् ।

“हमार संस्कृति हमार पहिचान, संस्कृति जगेर्ना करना हमार अभियान” भन्ने मुलनाराका साथ घोडाघोडी तथा सांस्कृतिक संरक्षण समाजको आयोजनामा यहि मंसिर २० गते देखी २२ गते सम्म महोत्सव हुन लागेको हो । थारु समुदायको संस्कृति जगेर्ना गर्ने उद्देश्यले हरेक वर्ष मार्ग शुक्ल पञ्चमी अर्थात् विवाह पञ्चमीका दिन यो पूजालाई विशेष महत्त्वका साथ मनाइने गरेको महोत्सव मूल आयोजक समितिका संयोजक बुधराम चौधरीले बताए ।

तर पछिल्लो समय विभिन्न ठाउँमा मनोमानी रूपमा यो पर्व मनाउने गरेको प्रति उनले असन्तुष्टि व्यक्त गरे । उनले भने “थारु समुदायले परापूर्व काल देखी नै यो पर्व सीता विवाह पञ्चमीका दिन मनाउँदै आएको हो । तर पछिल्लो समय तिथि मिति बिनै आफू अनुकूल यो पर्व मनाउन थालिएको छ । यो गलत हो, यस्तो अभ्यासले हाम्रो सांस्कृतिक महत्त्व घट्दै जाने डर छ ।” 

यो पर्वमा विशेष गरी थारु समुदायहरूले नयाँ बाली भित्र्याई समेपछि ती अन्नबालीलाई प्रसादको रूपमा देवी देवताहरूलाई ल्याङ्गी गराइने (चढाइने) गरिन्छ । यसका साथै सोही दिन पञ्चतत्व अर्थात् प्रकृतिको पनि पूजन गरिन्छ भने घोडाघोडीको मुख्य मन्दिरमा कुखुरा, बोका, सुँगुर लगायतका बलिहरू समेत चढाउने गरिन्छ ।

बलि दिने कार्यमा भने थारु मात्र नभई गैर थारु समुदायहरूको पनि बाक्लो सहभागिता हुने गर्दछ । कैलालीका ८२ गाउँ सहित कञ्चनपुर, दाङ, बाँके, बर्दिया लगायतका जिल्लाहरूबाट समेत दर्शनार्थीहरु आउने गरेका छन् ।    

टिप्पणीहरू
Loading...