कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • मिटरब्याजी विरुद्ध कैलालीबाट ४३ जनाले उजुरी दर्ता गराए

    मिटरब्याजी विरुद्ध कैलालीबाट ४३ जनाले उजुरी दर्ता गराए
    Spread the love

    कैलाली, ५ भदौं ।। कैलालीका ४३ जनाले मिटरब्याजी विरुद्ध उजुरी दिएका छन् । गृह मन्त्रालयले भदौ ५ गतेसम्म मिटरब्याजीबाट पीडित भएकाहरुलाई उजुरी दिन आह्वान गरेको थियो । सोही अनुसार कैलालीका ४३ जना पीडितले आइतबार सम्म मिटरब्याजी विरुद्ध उजुरी दिएका हुन् । मन्त्रालयको आह्वानपछि साउन २८ गतेदेखि नै उजुरी दर्ता गर्न पीडितहरु आएको जिल्ला प्रशासन कार्यालय कैलालीले जनाएको छ ।

    प्रशासन कार्यालयका सूचना अधिकारी शिवराज जोशीले गृह मन्त्रालयको निर्देशन अनुसार जिल्लामा पीडितहरुको उजुरी संकलन गरिएको बताए । उनले भने, ‘जिल्लामा मिटरब्याजीबाट पीडित हुनेको संख्या धेरै छ । छोटो अवधि र प्रचार–प्रसार अभाव हुँदा धेरै मानिसहरु उजुरी दिन आउन सकेनन् । अझै केही छुट भएको हुन सक्ने हामीले महसुस गरेका छौं ।’

    उनले संकलन भएका उजुरीहरुलाई गृह मन्त्रालयसम्म पठाइने र मन्त्रालयको निर्देशनपछि आगामी कदम चालिने बताए । मिटरब्याजीले आर्थिक विपन्न तथा निरक्षर परिवारलाई ब्याजमा रकम दिएर उनीहरुको विचल्ली बनाएको समाचार आएपछि सरकारले उनीहरुविरुद्ध कडा कदम चालेको छ ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD