कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • माओवादी केन्द्र अध्यक्ष प्रचण्ड बिहीबार सुदुरपश्चिम आउँदै

    माओवादी केन्द्र अध्यक्ष प्रचण्ड बिहीबार सुदुरपश्चिम आउँदै
    Spread the love

    मसुरिया, ७ बैशाख ।। नेकपा माओवादी केन्द्रका अध्यक्ष पुष्पकमल दाहाल (प्रचण्ड) बिहीबार (भोलि) कैलाली आउने भएका छन् ।

    माओवादी अध्यक्ष प्रचण्ड विभिन्न पार्टीका नेता तथा कार्यकर्तालाई माओवादीमा प्रवेश गराउन र बिशेष सम्बोधनका क्रममा कैलाली आउन लागेका हुन् । कैलालीको गौरिगङ्गा नगरपालिका ८ वडा कार्यालय अगाडिको खुल्ला मैदानमा बैशाख ८ गते प्रवेश गराउनुका साथै अध्यक्ष प्रचण्डले सम्बोधन गर्ने कार्यक्रम रहेको माओवादी नेता नैनबहादुर चौधरी ‘बिवेक’ ले जानकारी दिए ।

    कार्यक्रम गौरीगंगा नगरपालिका वडा नं ८ लिक्मा मेला लाग्ने स्थानमा हुने र कार्यक्रमको तयारी पूरा भएको माओवादी केन्द्रले जनाएको छ । विभिन्न पार्टी परित्याग गरी हजारौंको संख्यामा नेता कार्यकर्ताहरू माओवादी केन्द्रमा प्रवेश गर्ने कार्यक्रम रहेको उनले जानकारी दिए ।

    कैलालीमा २०६४ सालको निर्वाचनमा जस्तै माओवादीमा जनलहर छाएको माओवादी केन्द्र गौरीगंगाका इन्चार्ज नविन धामीले बताए । बैशाख ३० गते हुने स्थानीय तहको निर्वाचनमा कैलालीमा माओवादी केन्द्रका उम्मेदवारलाई विजय गराउन पछिल्लोपटक माहोल बन्दै गएको माओवादी केन्द्रले जनाएको छ ।

    facebook sharing button
    twitter sharing button
    email sharing button
    messenger sharing button

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD