भारत, २८ चैत ।। झारखन्डस्थित देवघर जिल्लामा पर्ने त्रिकुटमा दुई केबलकार ठोक्किँदा दुई जनाको मृत्यु भएको छ भने आठ जना घाइते भएका छन् । दुर्घटनापछि १२ अन्य केबलकार बन्द गरिँदा ४८ जना २० घन्टासम्म हावामै फसेका छन् ।
भारतीय सञ्चारमाध्यमहरूका अनुसार आइतबार साँझ साढे ४ बजे दुर्घटना भएको थियो । उक्त दुर्घटनामा १० पर्यटक गम्भीर घाइते भएका थिए । तीमध्ये दुई जनाको मृत्यु भएको हो ।
केबुलकारमै फसेका ४८ जनाको हेलिकोप्टरबाट उद्दार थालिएको बीबीसी हिन्दीले जनाएको छ । प्रारम्भिक अनुसन्धानमा प्राविधिक गडबडीका कारण घटना भएको समाचारहरूमा जनाइएको छ ।
