Kathariya Sandesh
Kathariya Sandesh is Nepal's no 1 Nepali news portal and Kathariya Sandesh official website.This delivers the latest breaking news and information on latest top stories, national, international, politics, sports, business, finance, entertainment, photo-gallery, audio, video and more.

भादौं २७ गते बन्ना अतबार, सक्कु कठरिया अक्के दिन मनाई

0 439

भादौं २४, पहलमानपुर ।। कठरिया समुदायके खास पबनि बन्ना अतबार भादौं २७ गते अतबारके दिन परल है । यि दिन कैलाली जिल्लामे रहल सक्कु कठरिया थारुभर अपना परम्परा अनुसार अक्के दिन पबनी मनाई परना कठरिया अगुवाभर कहले हैं ।

“हम्मर रिती संस्कृति औरेक ति अलग है आउ उहि अगलके कारणती हमरे हम्मर परिचय देहे सिक्ती । मुल उहि हम्मर पहिचान ओहके हमरे आगे पाछे मनाईबते कुई अर्थ नाई रिही” मुनमा (मुनुवा) गाउँक कठरिया बुद्धिजिबी प्यारेलाल कठरिया कहनें । ऊ कहनें हमके हम्मर हर पबनि अक्के संघ मिलके बनाई परना जेदे आवश्यकता है ।

कैलाली जिल्ला आउ परोसी भारतमे रहल कठरियाभर अक्के तरिकाका ती यि पबनी मनैना करतियाँ । बन्ना अतबारमे दिनभर बरत बैठके सांहिजुन बरत खुल्ना आउ पुजापाठ करके गाउँभर प्रसादके रुपमे मिठाई, घ्यु, भात बट्ना चलन है कठरिया बुद्धिजिबी सन्तराम कठरिया कहनें । ऊ कहनें हमरे सबती अलग तरिका ती पुजा करती हम्मर कैसा बन्ना अतबार कुई नाई मनैना ।

बन्ना अतबार ओहके थारु समुदाय अँट्वारी कहतियाँ । एहका मौकामे सुदुरपश्चिम सरकार एक दिनके सार्बजनिक बिदा दहले है ।

टिप्पणीहरू
Loading...