जनक कठरिया, ६ चैत ।। भारतके लखिमपुर खीरी स्थित ग्राम बेलापरसुआमे शनिच्चर (19 मार्च 2022) के दिन विशाल हाेली मिलन समाराेह हाेईल है । आयाेजक मुल आदिवासी जनजाति कल्याण समिति, भारत बर्षके राष्ट्रिय उपाध्यक्ष श्याम नारायण कठरियाके अध्यक्षतामे हाेईल कार्यक्रमके प्रमुख अतिथि महिला सशक्तिकरण एवं जनजातिय हस्त शिल्पके राष्ट्रिय सम्मानमे भारतके राष्ट्रपति द्वारा सम्मानित आरती राना रेहें ।
अईस्ने करके कार्यक्रममे उपमण्डल अभियन्ता (BSNL) बाल कृष्ण चाैधरी, थारु गितकार सुवेश कठरिया, ओम प्रकाश कठरिया, किशाेर कठरिया, रामसरण कठरिया, शेर बहादुर चाैधरी, ओेमकार राना, अनुप कुमार कठरिया, लल्लन कठरिया, वीरेन्द्र कठरिया, पुरुषाेत्तम कठरिया, संताेष कठरिया लगायत विशेष अतिथी रेहें ।
महिला सशक्तिकरण एवं जनजातिय हस्त शिल्पके राष्ट्रिय सम्मान पाईल आरती राना केहें सम्मान करल विशाल हाेली मिलन समाराेहमे चर्रा (नेपाल) के कठरिया हाेरी नाच, बैदान पुरुवाके धमार गित, झुमरा गित, सखिया नाच आउ फेक साँस्कृतिक कार्यक्रम प्रस्तुत हाेईल रेहे ।
थारु समुदायके महिला भरिन हाैंसला आउ उत्प्रेरणा बढैना आउ हाेलीके माैकामे संस्कृति संरक्षण करना उदेश्य ती हाेईल कार्यक्रममे उत्साहजनक सहभागिता रहल आयाेजक बतैतियाँ ।
