कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • बुहारीमाथि ससुराले गरे बलात्कार, घटना यसरी बाहिरियो

    बुहारीमाथि ससुराले गरे बलात्कार, घटना यसरी बाहिरियो
    Spread the love

    बैतडी, २५ मंसिर ।। बैतडीमा बुहारीमाथि ससुराले नै बलात्कार गरेको घटना सार्वजनिक भएको छ। जिल्लाको सिगास गाउँपालिका-५ मा ससुराले आफ्नै बुहारीलाई पटक-पटक बलात्कार गरेको घटना सार्वजनिक भएको हो। बलात्कारपछि पेटमा बच्चा बसेको र पिडीत बुहारी न्यायको खोजीमा जिल्ला सदरमुकाम पुगेपछि यो घटना सार्वजनिक भएको हो।

    आफ्नै ससुराले जबरजस्ती गरेपछि बच्चा बसेको र कसैलाई भने मारिदिन्छु भन्ने धम्की आएपछि आफूले घटना लुकाउन बाध्य भएको महिलाको भनाइ छ। ससुराले पटक-पटक बलात्कार गरेपछि गर्भ रहेकी ती महिला प्रहरीमा पुगेकी थिइन्। तर, प्रहरीले कानुनअनुसार मुद्दा दर्ता गर्न नमिल्ने बताएको छ। यो मुद्दा हाडनाता करणीको भएकाले आफूले अदालतमा जान सुझाएको प्रहरीले जनाएको छ।

    यता, पीडित महिला मुद्दा दर्ताका लागि अदालत पुगे पनि कागजात नपुग्दा मुद्दा दर्ता नभएको बताइएको छ। गत बर्ष यिनै पीडित महिलाकी छोरीमाथि सामूहिक बलात्कार भएको थियो। सामूहिक बलात्कारबाट गर्भवती बनेकी उनकी छोरीले समेत बच्चा जन्माएकी छन्। छोरीको बलात्कारमा संलग्न आरोपमा ४ जना पक्राउ परेका भएपनि दुईजना छुटेका छन्। सो बलात्कारका मुख्य आरोपी छुटेको पीडित महिलाको गुनासो छ। आफूमाथि यौन शोषण गर्ने ससुरामाथि कारबाही हुनुपर्ने उनको माग छ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD