Kathariya Sandesh
Kathariya Sandesh is Nepal's no 1 Nepali news portal and Kathariya Sandesh official website.This delivers the latest breaking news and information on latest top stories, national, international, politics, sports, business, finance, entertainment, photo-gallery, audio, video and more.

बिसराके फेक फ्रिजमे ना धरियो यी खैनाचिज

0 119

कैलाली, २९ असाढ (कठरिया भाषा) ।। हम्रे सब यिही सुंच्ती कि कुइ फेक खैनाचिज फ्रिजमे धरबोत टटके (ताजा) रहता आउ बासी नाई हुइता । मुल कुइ कुइ खैना चिज ऐसन रहता जौन फ्रिजमे धरबोत घातक होइ सकता । जौन फेक खैना चिज या फलफुल फ्रिजमे धरदहना तमाने भन्सरिया भरिन बान रहता । फ्रिजमे धरल चिज एगदम ताजा आउ सफा रहतियाँ कहना सोच रहता ओइन मुल सब चिजके हकमे यी लागु नाई हुइता ।

एक अध्ययनके अनसार कुछ खैना चिज ओहके फ्रिजमे धरले ती यहका रंग आउ सबाद (स्वाद) फेकुन फरक परना पाईल है । ऐसन कुछ खैना चिजके बारेम जानकारी हिंयाँ दहत होई ।

१. कफी
कफी ओहके फ्रिजमे धरले ती फ्रिजमे होइल औरे चिझके बास कफीमे पर्ना होइल कारण कफीके स्वादमे फरक परे जैता ।

२. टिमाटर
फ्रिजमे जेदे कम तापमान रहना करता । जेहके ती टिमाटरके सबाद (स्वाद) खराब होई जैता । साथे यि जेदे गुलगुल होइ सकता ।

३.प्याज
प्याज फ्रिजमे धरले ती भुंकडी (ढुसी) परना खतरा रहता । यदि प्याज काट्के फ्रिजमे धरबो तौ प्याज सुख्ता । काट्ल प्याज फ्रिजमे धरबोत यहका गन्ध औरे खैना चिजमे फेक परे सकता ।

४. छिंयाँ (केरा)
छिंयाँ (केरा) फ्रिजमे धरलेती जोरती पकना आउ गुलगुल हुइनाके साथे यहका पोषणतत्वमे फेक कमि अइता ।

५. सहत
सहत फ्रिजमे धरले ती यी जेदे कडा हुइना करता । फ्रिजमे कम तापमान हुइना के कारण सहत मे क्रिस्टलाइजेशन हुइना कारण चम्मच लैके निकरना फेक कररा हुइता ।

६.खरबुज्जा
खरबुज्जा ओहके कोठाके ढार तापमानमे धरे परता । यहके फ्रिजमे धरले ती यहका भित्री भाग कडा हुइना आउ पोषणतत्वमे फेक कमी अइता ।

७. लासुन
लासुन ओहके फेक कोठा भित्तर धरले ती मजा हुइता । यहके फ्रिजमे धरल १२ घण्टा भित्तरमे यि सुख्खा हुइना करता । एजेन्सी

टिप्पणीहरू
Loading...