काठमाडाैं, ७ असार ।। प्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा महासचिव नेत्रविक्रम चन्द विप्लवबीच भेटवार्ता भएको छ ।
प्रधानमन्त्रीको सरकारी निवास बालुवाटारमा भएको वार्तामा समाजवादी मोर्चालाई कसरी प्रभावकारी बनाउने भन्ने विषयमा छलफल भएको प्रधानमन्त्रीको सचिवालयले जानकारी दिएको छ । साथै, उनीहरुबीच माओवादी आन्दोलनका उपलब्धीको रक्षा र पार्टी एकताको तहसम्म पुग्न सकिने विषयमा गम्भीर छलफल भएको बताइएको छ ।
विप्लवसहित माओवादी केन्द्र, जसपा र एकीकृत समाजवादी मिलेर समाजवादी मोर्चा गठन भएको छ । यसले मुलुकको राजनीतिमा तरङ्ग सिर्जना गरिदिएको बताइन्छ ।
