पहलमानपुर, ९ श्रावण ।। नागरिक उन्मुक्ति पार्टी सुदूरपश्चिम सरकारमा सहभागी हुनबाट फेरि पछि हटेकाे छ । मन्त्रालयकाे भागबण्डा नमिलेकाे कारण देखाउँदै साे पार्टी सुदूरपश्चिम सरकारमा जानबाट पछि हटेकाे हाे ।
नागरिक उन्मुक्ति पार्टीकी केन्द्रीय अध्यक्ष रञ्जिता श्रेष्ठ चाैधरीले मंगलवार एक विज्ञप्ति जारी गर्दै सुदूरपश्चिम सरकारमा सहभागी हुन नसकिने बताएकी हुन् । विज्ञप्तिमा केन्द्रीय कमिटीकाे निर्णय र सहमति अनुसार सुदूरपश्चिम सरकारमा सहभागी हुन आफुहरुले माग गरेकाे मन्त्रालय नपाएकाे र मन्त्रालयकाे भागबण्डा समेत मिलेकाले सहभागी हुन नसकिने बताईएकाे छ ।
यस्तै सुदूरपश्चिम प्रदेश सरकारमा नागरिक उन्मुक्ति पार्टीलाई सहभागि गराउने बिषयमा साेमवार मात्रै नागरिक उन्मुक्ति पार्टीका नेताहरु र प्रदेशका मुख्यमन्त्री कमलबहादुर शाहबीच छलफल भएको थियाे ।
उक्त छलफलमा नागरिक उन्मुक्ति पार्टीलाई दुई ओटा मन्त्रालय दिने सहमति भएकाे थियाे । जसअनुसार
भूमि व्यवस्था कृषि तथा सहकारी मन्त्रीमा रामेश्वर चौधरी र राज्यमन्त्रीमा कैलाश चौधरीको नाम टुंगो लगाईएकाे थियाे ।
तर मंगलबार (आज) साे पार्टीले मन्त्रालयकाे भागबण्डा नमिलेकाे भन्दै सरकारमा सहभागी हुन नसकिने भनेपछि पुन: सुदूरपश्चिम सरकार विस्तारमा सकस थपिएकाे हाे ।
