कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • नागरिक उन्मुक्ति पार्टी र स्वतन्त्र उम्मेदवारसहित ३७ जनाविरुद्ध भ्रष्टाचार मुद्दा

    नागरिक उन्मुक्ति पार्टी र स्वतन्त्र उम्मेदवारसहित ३७ जनाविरुद्ध भ्रष्टाचार मुद्दा
    Spread the love

    कैलाली, ३ कार्तिक ।। कञ्चनपुरमा एक जना प्रतिनिधि सभा सदस्य र एक जना प्रदेश सभा सदस्य उम्मेदवारसहित ३७ जना विरुद्ध भ्रष्टाचार मुद्दा दायर भएको छ । अख्तियार दुरुपयोग अनुसन्धान आयोग कञ्चनपुरले नागरिक उन्मुक्ति पार्टीबाट प्रदेशसभा सदस्यका लागि उम्मेदवारी दिएका पल्टु राना र प्रतिनिधिसभा सदस्यका स्वतन्त्र उम्मेदवार मदन दमाईसहित ३७ जना विरुद्ध मुद्दा दर्ता भएको हो ।

    आयोग केन्द्रीय कार्यालयले महेन्द्रनगर नगर विकास समितिको जमिन घोटाला काण्डमा मुछिएका तत्कालीन अध्यक्ष पल्टु राना र बिचौलिया मदन दमाईविरुद्ध भ्रष्टाचार मुद्दा दायर गरेको हो ।

    राना कञ्चनपुर निर्वाचन क्षेत्र नम्बर १ (१) बाट नागरिक उन्मुक्ति पार्टीबाट प्रदेश सभा सदस्यका उम्मेदवार छन् । मदन दमाईले स्वतन्त्रबाट प्रतिनिधिसभा सदस्यका लागि क्षेत्र नम्बर ३ मा उम्मेदवारी दिएका हुन् । उनीहरुविरुद्ध भ्रष्टाचार निवारण ऐन ०५९ को दफा २४ बमोजिम बिगोसहित थप कैद सजायको मागदाबी गरेर विशेष अदालतमा मुद्दा दायर भएको छ ।

    रानालाई ३७ लाख, ९२ हजार बिगो सहित कसुर तथा सजाय मागदाबी गरिएको छ । बिचौलिया घोषित गरेर दमाईलाई ३७ लाख ४६ हजार ८ सय ८० रुपैयाँ बिगो सहित कसुर तथा सजाय मागदाबी गरिएको छ । राना र दमाईविरुद्ध भ्रष्टाचार निवारण ऐन ०५९ को दफा २४ बमोजिम ३७ लाख बढी रूपैयाँँ बिगोसहित थप कैद सजायको मागदाबी गरेर विशेष अदालतमा मुद्दा दायर भएको अख्तियारले जनाएको छ ।

    महेन्द्रनगर नगर विकास समितिको जमिन घोटाला प्रकरणमा आयोगले नगर विकास समितिका तत्कालीन अध्यक्षहरू, कर्मचारी, मालपोत कार्यालयका तत्कालीन प्रमुख तथा अधिकृतहरू तथा जग्गा नाममा लिने ३७ जनाविरुद्ध अदालतमा मुद्दा दायर गरेको हो ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD