कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • धनगढीके नगरप्रमुख चढ्ना गाडी विशेषज्ञ वडा क्लिनिक ओहके हस्तान्तरण

    धनगढीके नगरप्रमुख चढ्ना गाडी विशेषज्ञ वडा क्लिनिक ओहके हस्तान्तरण
    Spread the love

    कैलाली, २२ असाढ, (कठरिया भाषा) ।। धनगढी उपमहानगरपालिकाके नगरप्रमुख चढ्ना गाडी विशेषज्ञ वडा क्लिनिक ओहके हस्तान्तरण करगेल है । नगर प्रमुख गोपाल हमाल ती अपने निजी गाडी प्रयोग करना कहती सरकारी गाडी स्वास्थ्य शाखा ओहके हस्तान्तरण करगेल है ।

    वडा क्लिनिक सञ्चालन करेक उपमहानगरके प्रमुख चढ्ना गाडी बुधबार एक कार्यक्रम आयोजना करके श्री १००८ स्वामी देवराज आचार्य ती स्वास्थ्य शाखा प्रमुख कृष्णबहादुर बोहरा केहें हस्तान्तरण करगेल है । नगर प्रमुखके रुपमे कुई फेक सेवा सुविधा व्यक्तिगत उपभोग नाई करना घोषणा करल हमाल ती चुनावी प्रतिबद्धता ढार १९ ठोरा वडामे हर महिना विशेषज्ञ स्वास्थ्य क्लिनिक सञ्चालन करना बतैले रेहें ।

    उपमहानगरपालिका ती विशेषज्ञ वडा क्लिनिकमे सामान्य स्वास्थ्य परीक्षण संघे ल्याव सेवा, अल्ट्रासाउण्ड आउ इसिजी सेवा निःशुल्क उपलब्ध करैना जनागेल है । धनगढी उपमहानगरपालिका केहें विशेषज्ञ वडा क्लिनिक सञ्चालन करेक आवश्यक परना दुई जने विशेषज्ञ डाक्टरके तलव आउ भत्ता भाटभटेनी सुपरमार्केटके सञ्चालक मीनबहादुर गुरुङ व्यहोर्ना सम्झौता यहती आगे हुईसिकल है ।

    उपमहानगरपालिका केहें स्वास्थ्य क्लिनिक सञ्चालन करेक आवश्यक उपकरण सामाजिक विकास मन्त्रालय सहयोग करना होईल है । साउन १ गते ती धनगढीके सक्कु वडामे तालिका अनसार स्वास्थ्य शिविर सञ्चालनमे लइना नगर प्रमुख गोपाल हमाल बतैनें ।

    ‘हम्रे सक्कु वडामे एक जने कन्सल्टेन्ट फिजिसियन आउ एक जने स्त्री रोग विशेषज्ञ ती स्वास्थ्य सेवा प्रदान करना तयारी करती रहल होई,’ ऊ कहने, ‘क्लिनिक चलाईक डाक्टरके विज्ञापन करले होई आउ जेदा जनशक्ति हम्रे तिया रहल परिचालन हुईहें । नागरिकके घरमे स्वास्थ्य सेवा पुगाईक वडा स्वास्थ्य क्लिनिक करले होई ।’ हमाल ती ‘हम्मर धनगढी हम्रे बनैबा’ कहना अभियान अनसार वडा क्लिनिकमे उपचार संघे सक्कु मेलके दबाई फेक निःशुल्क प्रदान करना योजना रहल ऊ बतैनें ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD