कठरिया सन्देश

१९ फाल्गुन २०८०, शनिबार

  • gold Teach Computer
    gold Teach Computer
  • जनज्योती नेपाली समाज भारतको पहिलो प्रगति प्रतिवेदन सार्बजनिक, ३ लाख ८० हजार बराबरको सहयोग

    जनज्योती नेपाली समाज भारतको पहिलो प्रगति प्रतिवेदन सार्बजनिक, ३ लाख ८० हजार बराबरको सहयोग
    Spread the love

    पहलमानपुर, २० बैशाख ।। जनज्योती नेपाली समाज भारतले आफ्नो पहिलो बार्षिक प्रगति प्रतिवेदन सार्बजनिक गरेको छ । भारतको हरियाणा राज्यको गुडगावँ सेक्टर ५७ मा बसेको संस्थाको बैठकमा प्रतिबेदन सार्बजनिक गरिएको हो ।

    उक्त संस्थाका अध्यक्ष प्रेम सिंहले प्रस्तुत गरिएको २०१९ देखि २०२१ सम्मको प्रगति प्रतिवेदनमा १५ वटा साना ठुला सहयोग कार्यक्रम संचालन गरेको उल्लेख गरिएको छ । विशेषतया संस्थाले स्वास्थ्य उपचारबाट बञ्चित विपन्न परिवार, बाढी पहिरो, दैबि प्रकोपबाट प्रभावितहरुलाई आर्थिक सहयोग गरेको हो ।

    यस्तै कोरोना महामारीको समयमा विभिन्न किसिमका स्वास्थ्य सामाग्री, रक्तदान लगायत गरि सो संस्थाले हाल सम्म ३ लाख ८० हजार बराबरको मानव सेवामा खर्च गरेको प्रतिवेदनमा देखाईएको छ ।

    रोजगारीका लागि भारतमा बस्दै आएका नेपालीहरु द्धारा मानव सेवाका लागि संचालित जनज्योती नेपाली समाजमा ५५ जना सदस्यहरु संगठित रहेको संस्थाका सचिव टेक बहादुर कडायतले बताए । २०१९ मा स्थापना भएको सो समाजले आफ्नो स्थापनाकाल देखि नै दुखि, गरिव र बेहाराहरुलाई आर्थिक तथा अन्य सहयोग गर्दै आईरहेको छ ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD