घोडाघोडी बहुमुखी क्याम्पसको सभापतिमा अनेरास्ववियु (क्रान्तिकारी) का प्रेम सहकारी विजयी
कैलाली, ६ चैत।। कैलालीको घोडाघोडी नगरपालिका–१ सुखडमा अवस्थित घोडाघोडी बहुमुखी क्याम्पसको सभापतिमा अनेरास्ववियु (क्रान्तिकारी) का उम्मेदवार प्रेम बहादुर सहकारी विजयी भएका छन् । सभापतिका उम्मेदवार सहकारीले ४९८ मत ल्याएर विजयी भएका हुन् भने स्वतन्त्र उम्मेदवार विनोद चौधरीले २६७ मत ल्याएका छन् ।
सचिवमा अनेरास्ववियू(एस)का उम्मेदवार हुकुम आचार्यले ४९८ ल्याएर विजयी भएका छन् भने स्वतन्त्र उम्मेदवार पुष्प रिजालले २५३ मत ल्याएका छन् । त्यस्तै कोषाध्यक्षमा नेपाल विद्यार्थी सङ्घ कि उम्मेदवार हेलन विनाडीले ६०२ मत ल्याएर विजय भएकी छिन भने अनेरास्ववियू (एस) कि मनीषा खनालले ३८१ ल्याएकी छन् ।
यस्तै सदस्यहरूमा नेविसंघकी स्मृति चौधरी ४६७, अञ्जली चौधरी ४९०, वासुदेव ढकाल ५५६, अनेरास्ववियुकी इन्दु कुमारी बोहरा ६५४, अनेरास्ववियु(क्रान्तिकारी) की रिमा चौधरी ४८६, अमिसा चौधरी ४७५ र उपेन्द्र प्रसाद शर्मा ४८१ मत ल्याएर विजयी भएका छन् । क्याम्पसमा जम्मा विद्यार्थी २२४७ जना रहेकोमा १३९६ मत खसेको थियो ।
अन्तिम नतिजाको विवरण हेर्नुहोस् :
