कठरिया सन्देश

१९ फाल्गुन २०८०, शनिबार

  • gold Teach Computer
    gold Teach Computer
  • घोडाघोडीमा लवाङ्गीपूजा तथा सांस्कृतिक महोत्सव सुरु

    घोडाघोडीमा लवाङ्गीपूजा तथा सांस्कृतिक महोत्सव सुरु
    Spread the love

    पहलमानपुर, १० मंसिर ।। कैलालीकाे घोडाघोडीमा घाेरीघाेरा लवाङ्गी पूजा तथा थारु सांस्कृतिक महोत्सव शनिबार देखि सुरु भएको छ । महोत्सवको कैलाली क्षेत्र नम्बर ३ का नवनिर्वाचित प्रतिनिधिसभा सदस्य गङ्गाराम चौधरीले उद्घाटन गरेका छन्।

    घोडाघोडी नगरपालिका –१ स्थित घोडाघोडी मन्दिर परिसरमा घोडाघोडी तथा संस्कृति संरक्षण समाजको आयोजनामा सुरु भएको सो महोत्सव सोमबारसम्म सञ्चालन हुने आयोजकले बताएको छ ।

    घोडाघोडी तथा संस्कृति संरक्षण समाजका अध्यक्ष चन्द्र चौधरीको अध्यक्षतामा भएको महोत्सव उद्घाटन कार्यक्रममा घोडाघोडी नगरपालिका, बर्दगोरिया गाउँपालिकाका ८२ गाउँका भलभन्सा तथा स्थानीयको सहभागिता थियो ।

    घोडाघोडी नगर भल्मन्सा समाजका अध्यक्ष बुधराम चौधरीले थारु समुदायले घोडाघोडीमा लवाङ्गीपूजा परापूर्वकालदेखि मनाइँदै आएको बताए । यो पर्वमा विशेषगरी थारु समुदायहरूले नयाँ बाली भित्र्याइसकेपछि सो अन्नबालीलाई प्रसादको रूपमा आफ्ना देवी देवतालाई चढाइने भएकाले पनि ल्वाङ्गीपूजाको महत्त्व रहेको अध्यक्ष चौधरीले बताए ।

    उद्घाटन कार्यक्रममा नवनिर्वाचित प्रदेश सभासदस्य खुशीराम चौधरी, नगरप्रमुख खडक रावत, उपप्रमुख गुलियादेवी डगौरा, वडाध्यक्षहरु लगायत सामाजिक संघ संस्थाका प्रतिनिधिको उपस्थिति रहेको थियो । कार्यक्रममा प्रमुख अतिथि नवनिर्वाचित प्रतिनिधिसभा सदस्य गङ्गाराम चौधरीले थारुको पहिचान परम्परा भेषभूषा र रीतिरिवाजमा रहेकाले सो कुरा जोगाइ राख्नुपर्ने बताउनुभयो ।

    कार्यक्रममा विभिन्न क्षेत्रबाट ल्याइएका थारु संस्कृति भल्काउने झाँकी, परम्परागत नाच प्रदर्शन गरिएको थियो । दुई दिनसम्म चल्ने सो महोत्सवमा थारु झाँकी प्रदर्शनी, राष्ट्रिय तथा स्थानीय कलाकारको प्रस्तुतिसँगै थारु समुदायको भेषभूषा झल्काउने विभिन्न नाच प्रस्तुत हुने आयोजकले जनाएको छ ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD