कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • कैलालीमा मदिरामा धुत वडाअध्यक्ष र हाकिम: पत्रकार विक र जैगडीलाई ज्यानमार्ने धम्की

    कैलालीमा मदिरामा धुत वडाअध्यक्ष र हाकिम: पत्रकार विक र जैगडीलाई ज्यानमार्ने धम्की
    Spread the love

    कैलाली, १ जेठ ।। कैलालीमा दुई पत्रकारलाई ज्यान मार्ने धम्की आएको छ । एभिन्युज टेलिभिजनका सुदुरपश्चिम ब्युरो प्रमुख हरिश विक र कैलाली जिल्ला सम्वाददाता राजन जैगडीलाई आइतबार ज्यान मार्ने धम्की आएको हो ।

    नदिजन्य पदार्थको अवैध उत्खननको विषयमा समाचार संकलनका लागी जिल्लाको घोडाघोडी नगरपालिकामा पुगेको एभिन्युज टेलिभिजनको टिममाथि दुर्ववहार गर्दै निवर्तमान अध्यक्ष हरि विष्ट सहितको समुहले ज्यान मार्ने धम्की दिएका हुन । ‘नदिजन्य पदार्थको अवैध उत्खनन् भएको छ भन्ने सुचनाका आधारमा समाचार संकलनका लागी हामी त्यहाँ पुगेका थियौं’, एभिन्युजका सुदुरपश्चिम ब्युरो प्रमुख विकले भने, ‘मदिरामा धुत भएका हाकिमसाप र निवर्तमान अध्यक्ष सहितको समूहले दुव्र्यवहार गर्दै ज्यानै मार्ने धम्की दिए ।’

    ‘हामीले कुनैपनि स्वार्थ नराखी तथ्यगत रिपोर्टिगं गरेका छौँ’, विकले भने, ‘सरकारी सवारी साधनमै मदिरा सेवन गरेका नगरपालिकाका कार्यालय प्रमुख दिपक कुमार आचार्य र वडा नं २ का निवर्तमान अध्यक्ष हरी विष्टले अभद्र व्यवहार गरे । त्यतिमात्र होइन अपरिचित व्यक्तिलाई फोन नम्बर दिएर ज्यानै मार्नेसम्मको धम्कि दिन लगाए ।’ समाचार संकलनका लागि कन्द्रा खोलामा पुग्दा नदि उत्खनन गरिरहेका सवारी साधन भागेपछि हामी थप सुचना संकलनका लागि नगरपालिकाको कार्यालयमै पुगेको विकले बताएका छन् ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD