कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • कैलालीको सिमरीमा आयोजित नृत्य प्रतियोगिता सम्पन्न (फोटो फिचर)

    कैलालीको सिमरीमा आयोजित नृत्य प्रतियोगिता सम्पन्न (फोटो फिचर)
    Spread the love

    पहलमानपुर, १८ कार्तिक ।। कैलाली जिल्लाको जोशीपुर गाउँपालिका वडा नं. ६ सिमरीमा आयोजित ‘दिया दिवारी साँस्कृतिक मञ्च’ अर्न्तगत नृत्य प्रतियोगिता सिजन ९ सम्पन्न भएको छ । स्थानिय एकिकृत लायन्स क्लबको आयोजनामा हिन्दुहरुको महानपर्व शुभदिपावलीको अवसरमा भएको प्रतियोगिता बुधबार सम्पन्न भएको हो ।

    सो क्लबका अध्यक्ष प्रशान्त कठरियाको अध्यक्षतामा भएको कार्यक्रमका प्रमुख अतिथी जोशीपुर गाउँपालिकाका उपाध्यक्ष रेखा देबि कठरिया रहेकी थिईन् भने बिशिष्ट अतिथीहरुमा जोशीपुर गाउँपालिका वडा नं. ६ का वडा अध्यक्ष भोज डंगौरा, कठरिया समाज नेपालका पुर्व महासचिव सन्तोष, राजनिज्ञ दिर्घराज बिनाडी लगायतका रहेका थिए ।

    जिल्ला र जिल्ला बाहिरका दुई दर्जन बढि कलाकारहरुले आफ्नो नृत्य प्रस्तुत गरेको प्रतियोगितामा प्रथम किशाेर (काेहलपुर) र हिपहप ग्रुप (बाैनियाँ), द्धितिय हेमन्त (लम्की) र आभाष र तृतिय स्माईल ग्रुप (डहरबिरिया) भएका हुन् । उक्त प्रतियोगितामा प्रथम हुने दुई ग्रुप भएपश्चात १० हजार पुरस्कार बराबर बाँडेर प्रदान गरिएकाे छ । यस्तै द्धितिय हुने समेत दुई जना भएकाले ४ हजार नगद पुरस्कार बाँडेर प्रदान गरिएकाे छ । त्यसैगरि तृतिय हुनेलाई सान्त्वना पुरस्कार प्राप्त गरिएकाे आयाेजकले जनाएको छ । प्रतियोगिता कडा प्रतिस्पर्धाका बिच सम्पन्न भएकाे हाे ।

    कला, साहित्यको क्षेक्रमा योगदान गरेका ब्यत्तित्वहरुलाई सम्मान गरिएको सो कार्यक्रममा बहुचर्चित गायक रामकुमार कठरिया, गायक आरके थारु, मोडेल बिर चौधरी, गितकार सुवेश कठरिया लगायतका कलाकारहरुले आफ्नो प्रस्तुती प्रस्तुत गरेका थिए ।

    कलाप्रेमी दर्शकहरुको उत्साहजनक सहभागितामा भएको नृत्य प्रतियोगिताको निर्णयहरु बरिष्ठ कलाकार दिप श्रेष्ठ, मनन जंग कुवंर र सदिक्षा चौधरी रहेका थिए । उक्त कार्यक्रमको संचालन निरज बडायक र गोबिन्द कठरियाले गरेका थिए । सिमरी गाउँमा लामो समय देखि साँस्कृतिक तथा प्रतियोगितात्मक कार्यक्रम हुँदै आएको छ ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD