कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • कैलालीको लौसामा बृहत कठरिया साँस्कृतिक होरी महोत्सव २०७८ हुने

    कैलालीको लौसामा बृहत कठरिया साँस्कृतिक होरी महोत्सव २०७८ हुने
    Spread the love

    टिआर कठरिया, २८ फागुन ।। कैलाली जिल्लाको कैलारी गाउँपालिका वडा नं. ८ लौसामा बृहत कठरिया साँस्कृतिक होरी महोत्सव २०७८ हुने भएको छ । जनकल्याण युवा क्लव तथा लौसा गाउँ समाजको आयोजना र कैलाली जिल्लाका कठरिया गाउँहरुको सक्रियतामा महोत्सव चैत १० र ११ गते हुने भएको हो ।

    भाषा, संस्कृति र पहिचान संरक्षण, सम्बर्द्धन गर्ने उदेश्यका साथ आयोजना हुन लागेको महोत्सवमा फगुई (फागुपुर्णिमा अर्थात होली) मा कठरिया समुदायले नाच्दै आएको ठाढी र कलाकार होरीको विशेष प्रर्दशनी रहने आयोजक क्लबका सल्लाहकार लौटन कठरियाले बताए । यसका साथै महोत्सवमा कठरिया कलाकारहरुको बेजोड प्रस्तुती, मौलिक भेषभुषा, गरगहना प्रर्दशन, विभिन्न माध्यमबाट समुदायको हितमा निरन्तर कार्य गरेका ब्यक्तित्व सम्मान लगायतको कार्यक्रम रहने उनी बताउँछन् ।

    कैलारी गाउँपालिका वडा नं. ८ को आर्थिक सहयोग तथा कठरिया समाज नेपालको समन्वयमा हुन लागेको महोत्सवमा नेपाल तथा भारतमा वासोवास गर्ने ५० भन्दा बढि गाउँका कठरियाहरुको उत्साहजनक सहभागिता रहने आयोजकको भनाई रहेको छ ।
    शानिवार लौसामा भएको सो समुदायको बृहत भेलामा कठरिया समाज नेपालका केन्द्रिय अध्यक्ष गया प्रसाद कठरिया, कैलारी गाउँपालिका वडा नं. ८ का वडाध्यक्ष दुखिराम कठरिया, भजनी नगरपालिका वडा नं. ७ का वडाध्यक्ष अमर बहादुर कठरिया, गौरीगंगा १० का वडा सदस्य मिना कठरिया, घोडाघोडी ११ का वडा सदस्य नन्दराम कठरिया, कैलारी ८ का वडा सदस्य तारामल कठरिया, गितकार सुवेश कठरिया लगायत बड्घर, भल्मन्सा, पध्ना, अगड्या अगुवा बुद्धिजिवी, समाजसेवीहरुको उत्साहजनक सहभागिता रहेको थियो ।

    बृहत कठरिया साँस्कृतिक होरी महोत्सव २०७८ को मिडिया पार्टनर कठरिया सन्देश डटकम, कठरियन पोष्ट र केटिभी नेपाल अनलाइन टिभी रहेको छ ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD