कैलाली, १ जेठ ।। कैलालीको घोडाघोडी नगरपालिका– २ को वडाध्यक्षमा नेकपा एमालेका लक्ष्मी प्रसाद चौधरी विजयी भएका छन् । निकटतम प्रतिद्वन्द्वी स्वतन्त्र उम्मेदवार रण बहादुर भण्डारालाई पराजित गर्दै उनी १ हजार २७ मतका साथ विजयी भएका हुन् ।
रण बहादुर भण्डाराले ७ सय ८ मत प्राप्त गरेका छन् । त्यसै गरी महिला सदस्यमा नेकपा एमाले बाट कला देवी सिंह ८ सय ९४ मत, दलित महिला सदस्य नेपाली काँग्रेस बाट गीता सुनार ११ सय ४० मत, खुल्ला सदस्य द्वय नेपाली काँग्रेस बाट भीम बहादुर भण्डारा ९ सय ६१ मत र नेकपा एमाले बाट राम सुन्दर चौधरी ९ सय ८० मत ल्याई विजयी भएका छन् ।
वडा नम्बर २ मा २ हजार ५ सय ५९ मत खसेको थियो । यस अधि २०७४ को स्थानीय चुनावमा नेपाली काँग्रेसका हरि राज विष्ट विजय भएका थिए ।
