कठरिया सन्देश

२० फाल्गुन २०८०, आईतवार

  • gold Teach Computer
    gold Teach Computer
  • कैलारी गाउँपालिका द्वारा बरघर भलमन्सा प्रणाली संरक्षण ऐन पारित

    कैलारी गाउँपालिका द्वारा बरघर भलमन्सा प्रणाली संरक्षण ऐन पारित
    Spread the love

    कैलाली, २६ माघ ।। कैलालीस्थित कैलारी गाउँपालिकाको गाउँ सभाबाट बरघर भलमन्सा प्रणाली संरक्षण, सम्बद्र्धन र विकास ऐन सहित छ वटा ऐनहरु पास भएको छ । मंगलबार बसेको सो गाउँपालिकाको गाउँ सभा बैठकले विभिन्न छ वटा ऐन पास गरेको हो ।
    गाउँपालिकाको अध्यक्ष लाजुराम चौधरीको अध्यक्षता बसेको बैठकले कैलारी गाउँपालिकाको बरघर भलमन्सा प्रणाली संरक्षण, सम्बद्र्धन र विकास ऐन २०७८, कैलारी गाउँपालिकाको स्थानीय सेवा ऐन २०७८ सभाबाट पास गरेको छ । यसैगरी, कैलारी गाउँपालिकाको युवा नीति २०७८, कैलारी गाउँपालिकाको अनुगमन तथा सुपरीवेक्षण समिति कार्यविधि २०७८ पास गरेको छ । यस्तै, कैलारी गाउँपालिकाको बजेट तथा कार्यक्रम तर्जुमा समिति कार्यविधि २०७८ र कैलारी गाउँपालिकाको स्थानीय राजस्व समिति सञ्चालन कार्यविधि २०७८ सभाबाट पास भएको गाउँपालिकाका प्रवक्ता कमलप्रसाद चौधरीले जानकारी दिए ।

    गाउँ सभा बैठकले विभिन्न बाटो मर्मत गर्ने निर्णयलाई पास गरेको छ । वर्षाका कारण धेरै ठाउँमा बाटाघाटाहरु बिग्रेको जनाइएको छ । यसैगरी, पुरैना तालको पानी किसानले प्रयोग गर्न पाउने सवालमा पनि गाउँ सभाले निर्णय गरेको छ । कमल पोखरी नामले चिनिदैं आएको सो तालको पानी वडा नम्बर ३ का जनताले पहिलेदेखि उपयोग गर्दै आएका छन् । तर, पछिल्ला दिनमा तालमा व्यावसायिक माछा पालन कार्य भएपछि किसानले राम्ररी पानी उपभोग गर्न नपाएको जनाइएको छ ।
    यस सम्बन्धमा ठेकेदार र गाउँपालिकाबीच भएको द्विपक्षीय सम्झौता परिमार्जन गरेर किसानलाई सिँचाइ गर्न दिइने गाउँ सभाले निर्णय गरेको छ ।
    थारु समुदायको बाहुल्यता रहेको कैलारी गाउँपालिकाले हालसम्म बनाएको ऐन, कानूनको सङ्ख्या ५८ पुगेको छ । यसअघि, सो कार्यलयले गाउँ सभाबाट ऐन १२ वटा, कार्यविधि २६ वटा, निर्देशिका छ वटा बनाएको थियो । यसैगरी, नियमावली र नीति तीन÷तीन वटा, मापदण्ड र दिग्दर्शन एक÷एक वटा निर्माण भइसकेको प्रवक्ता चौधरीले जानकारी दिए ।
    गाउँ सभामा गाउँपालिकाका उपाध्यक्ष लक्ष्मी सत्गौंवा, गाउँ सभा सदस्यहरु, गाउँपालिकाका प्रमुख प्रशासकीय अधिकृत वीरबहादुर ऐर, सूचना अधिकारी यगम कलेलसहित कर्मचारीहरुको उपस्थिति रहेको थियो । सो गाउँपालिकाको अर्को बैठक बुधबार ११ बजे बोलाइएको छ । सोही दिन हिउँदे अधिवेशन समापन हुने जनाइएको छ ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD