कठरिया सन्देश

१९ फाल्गुन २०८०, शनिबार

  • gold Teach Computer
    gold Teach Computer
  • कैलारीलाई जातीय छुवाछुत मुक्त घोषणा गर्ने तयारी

    कैलारीलाई जातीय छुवाछुत मुक्त घोषणा गर्ने तयारी
    Spread the love

    कैलाली, १९ पुस । कैलालीको कैलारी गाउँपालिकालाई विभेदमुक्त पालिका घोषणा गर्ने तयारी गरिएको छ ।

    सो गाउँपालिकामा तुलनात्मक रुपमा जातीय विभेद न्यून रहेकाले जातिय छुवाछुत तथा विभेदमुक्त गाउँपालिका घोषणा गर्ने तयारी गरेको हो । पुस २४ गते एक कार्यक्रम गरेर गाउँपालिकालाई जातिय छुवाछुत तथा विभेदमुक्त गाउँपालिका घोषणा गर्ने जनाइएको छ ।

    यसैबीच, कैलारी गाउँपालिका, दलित महिला अधिकार मञ्चको संयुक्त आयोजना र डीसीएको आर्थिक सहयोगमा जातिय छुवाछुत तथा विभेदमुक्त गाउँपालिका घोषणाका लागि आइतबार पालिकास्तरीय अन्तरक्रिया गरिएको छ ।

    कैलारी गाउँपालिकाका उपाध्यक्ष लक्ष्मी सत्गौंवाको अध्यक्षतामा भएको कार्यक्रममा अधिवक्ता बालाराम भट्टराईले कैलारी गाउँपालिकामा जातीय विभेदको सवालमा गरिएको अध्ययनबाट प्राप्त नतिजा प्रस्तुत गरेको थिए । सो क्रममा उनले ९७ प्रतिशत थारु समुदायको बसोबास रहेको कैलारीमा जातीय विभेद कम रहेको बताए ।

    कार्यक्रममा कैलारी गाउँपालिकाका उपाध्यक्ष सत्गौंवाले जातीय छुवाछुत र विभेदरहित समाज बनाउन चिन्तन, सोंच परिवर्तन गर्न आवश्यक रहेको बताइन् । उनले विभेद अन्त्यका लागि जनचेतना फैलाउन आवश्यक रहेको उल्लेख गर्दै थपिन्–‘दलित समुदायलाई आत्मनिर्भर बनाउनु पर्दछ । उनीहरुको मागको आधारमा कार्यक्रम लैजाने विषयमा गाउँपालिका लागि परेको छ ।’

    उनले जातीय छुवाछुत तथा विभेदमुक्त समाज निर्माणका लागि जनप्रतिनिधि र कर्मचारी लागेरमात्रै नहुने उल्लेख गर्दै सबै एकजुट भएर लाग्न आवश्यक रहेको बताइन् ।
    कार्यक्रममा कैलारी गाउँपालिकाका सामाजिक विकास शाखा प्रमुख यगम कलेल, दलित महिला अधिकार मञ्चका निर्देशक सावित्रा घिमिरे, दीपक सुनार लगायतकाले बोलेका थिए ।

    कार्यक्रममा वडा अध्यक्षहरु कैलाशपसाद चौधरी, कमलप्रसाद चौधरी, भिखराम चौधरी, बालकृष्ण चौधरी, सन्तु चौधरी, प्रेम चौधरी, विष्णुप्रसाद चौधरी, गाउँपालिकाका गाउँसभा सदस्य, दलित समुदायका प्रतिनिधि लगायतको उपस्थिति रहेको थियो ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD