कठरिया सन्देश

१९ फाल्गुन २०८०, शनिबार

  • gold Teach Computer
    gold Teach Computer
  • कठरिया थारु पढाई प्रवाह परियोजना संचालन बारे बैठक सुखड में हाेइल

    कठरिया थारु पढाई प्रवाह परियोजना संचालन बारे बैठक सुखड में  हाेइल
    Spread the love

    जनक कठरिया, २८ श्रावण ।। हिमाली आदिवासी समाज के समन्वय तथा प्राबिधिक सहयाेग मे कठरिया समाज नेपाल मार्फत कठरिया थारु पढाई प्रवाह परियोजना संचालन बारे कठरिया समुदाय के समाजसेवी, बुद्धिजीवी, पदाधिकारी भरिन के उपस्थिति में परियाेजना बारे सराेकारवाला संघ एक दिने बैठक सुखड में सम्पन्न हाेइल ।

    कठरिया पढाइ प्रवाह परियाेजना कार्यक्रम देवनागरी में साक्षर रहल (पढे, लिखे सकना), मातृभाषी भरिन के तहनी नवविकसित अपन मातृभाषा के वर्ण के परिचय करना-करैना, लेखन पद्धति के जानकारी दहना संघे अपन भाषा के प्रचारप्रसार करना आउ लेखनमें एकरुपता लाइक तहन आव्हान करना संग-संघे मातृभाषा पढाइ, लेखाइ में प्रवाह करना कार्यक्रम आहे कैह के हिमाली आदिवासी समाज नेपालके छिरिङ पासाङ भोट बटैनें ।

    मातृभाषा के विकास के जरिया गुणस्तरिय शिक्षा में मदत पुगैना मुख्य उदेश्य आहे कैहके फेकुन जानकारी करैनें । पढाइ परियाेजना के जरिया कठरिया जातीके भाषा प्रबर्द्धन के काम करना में बहुते सहज हुइ आउ साे परियाेजना संचालन करना बारे कठरिया समुदाय के अग्रज भर अपना अपना बिचार फेकुन धरनें। साथे यि परियाेनाके सफल संचालन, कार्यान्वयन के बिषय में फेकुन बृहत छलफल हुइला ।

    कठरिया पढाइ परियाेजना कठरिया गाउँ रहल २० ठाेम गाउँमें संचालन करना बारे छलफल करके टुंगाे फेकुन लगैनें ।
    यि परियाेजना संचालन करना कठरिया गाउँ में कठरिया भाषाके वर्ण के आधार में कठरिया भाषाक बहुत मेर के लेख, रचना रहल किताब प्रकाशन करके पढाइ प्रवाह करक तहनी  कार्यक्रम संचालन करना ताेकल गाउँ में पढाइ कक्षा फेकुन संचालन करके परियाेजना के उदेश्य, लक्ष्य सहित भाषिक विकास के कार्यक्रम करना बारे जानकारी सहित खुल्ला छलफल हुइला ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD