Kathariya Sandesh
Kathariya Sandesh is Nepal's no 1 Nepali news portal and Kathariya Sandesh official website.This delivers the latest breaking news and information on latest top stories, national, international, politics, sports, business, finance, entertainment, photo-gallery, audio, video and more.

कठरिया गाउँमे हरधाेबाके राैनक

0 105

टीआर कठरिया, २५ असाढ ।। बैठउनिक लगईया लगाके उराईल गाउँमे हरधाेबा मनैना सुरु हुईगेल है । खास करके गाउँभरका अक्के संघे मनैना यी पबनीके राैनक आजकाल कठरिया गाउँमे देखा परे लागल है ।

कुई जिता खुजना, कुई लिष्ट बनैना आउ कुई गाउँक ब्यार लगाके उराईगेल तउ हरधाेबा मनैती रहल दृश्य आजकाल सहजिले कठरिया गाउँमे देखा परता । हिला किंचामे हाथगाेड सराके दुख करल दिन ओहके बिसराईक तहनि हरधाेबा मनैना करल सिसैया गाउँ सचिव यमबहादुर कठरिया बतैतियाँ ।

ऊ आगे कहतियाँ ‘लईया लगाई बिरिया हर, माची, किल्बाई, पटेला सबकुई खेति करना समान लिट्कल रहता । ऊ सब आझिक दिन धाे धाके एक बरषके तहनि मजस धरजिता ।’ बैठउनिमे खेति करेक तहनि सबती जेदा भुमिका हरके रहता, उहि हर ओहके धुईना दिन हाेईलके मारे हरधाेबा कैहगेल कठरिया जानकार भरिन कहाई है ।

पुर्खन कहाई अनुसार नाँतपाँत, घरगुतेर भरिन संग हाैंसिल्ला करति हरधाेबा मनैना चलन यी समुदायमे है ।

टिप्पणीहरू
Loading...