कठरिया सन्देश

१९ फाल्गुन २०८०, शनिबार

  • gold Teach Computer
    gold Teach Computer
  • उदासीपुरमे सावन १७ गते नगहर कार्यक्रम हुईना

    उदासीपुरमे सावन १७ गते नगहर कार्यक्रम हुईना
    Spread the love

    दिनेश दहित, मसुरिया, ३१ असाढ ।। कैलाली जिल्लाके गौरीगंगा नगरपालिका १० सुन्दरपुर गाउँमे रहल थारु देउथान उदासीपुरमे यी साल फेक नगहर कार्यक्रम हुईना होइल है ।

    हर साल नाग पञ्चमी (पचैयाँ) के दिन नगहर खेल जिता । साँपन काटल बिष झर्ना भर्रा भर नगहरमे दिउँता खिल्तीयाँ । आउ नमा भर्रा खिल्बैना लक्ष्य ती यी साल वृहत् तरिका ती नगहर कार्यक्रम हुईना होइल है ।

    भाषा, कला, संस्कृति हम्मर पहिचान, थारु वैदिक गुरुवा प्रशिक्षण केन्द्र संगे थारु संग्राहलय बनैना हम्मर अभियान कहना खास नाराके साथ थारु गुरुवा बैदवा सेवा समाज गौरीगंगाके आयोजनामे सावन १७ गते कार्यक्रम हुइना होइल है । अपने भर्राभर आउ नमा भर्रा बन्ना ईच्छा रहल भर्राभर पैसा उठाके कार्यक्रम करति रहल थारु गुरुवा बैदवा सेवा समाजके नगर अध्यक्ष गोपाल दास चौधरी बतैनें ।

    समाजमे जुडल भर्रा भरिन ती २०० रुपैया आउ नमा भर्रा निक्रले ती पुजाके तहनि ४०० रुपैया लहना अध्यक्ष चौधरी बतैनें । यहमे फेक कुई गुरुवा बैदवा समाज ती चलाईल अभियानमे सहयोग करे चहलेती सहयोग करे सिक्जीना अध्यक्ष चौधरीके कहाई है ।

    सुचना तथा संचार मन्त्रालय,
    दर्ता नं. : 071/72/770,
    पान नं.: 6026465656565656565

    ब्यवस्थापक :- अर्जुन कठरिया

    प्रकाशक :- राजेन्द्र कठरिया

    प्रधान सम्पादक :- टिआर कठरिया

    © 2024 Copyright: Dahit Group PVT.LTD